Номдзыд геолог Абайты Салат
Сентябрь 25, 2013
Просмотров: 165
«Рœстдзинад», №173 (23481) 2013 азы 25 сентябрь
Дзœуджыхъœуы фœцис Æппœтуœрœсеон наукон-практикон конференци «Геологи, ресурстœ, куыстад, экологи». Конференци уыд зындгонд геолог, Ленины премийы лауреат Абайты Салаты райгуырды 100 азы юбилеймœ. Йœ аразджытœ уыдысты Дзœуджыхъœ¬уы наукон центр, нœ республикœйы Хицауад, ЦИПУ œмœ технологон университет.
Конференцийы фыццаг бон технологон университе¬ты байтом Абайты Салаты къамты œмœ чингуыты равдыст. Уыдис дзы чингуыты презентаци дœр,ныффыстой йœ Салаты лœ¬ппу œмœ чызг. Уый у мысинœгты чиныг сœ фыды тыххœй «Махимœ цардис адœймаг». Студенттœ Салаты тыххœй кастысты œмдзœвгœтœ, уый фœстœ Абайты Салаты тыххœй равдыстой документалон киноныв.
Дыккаг бон байгом конференци. Архайдтой дзы 200 ахуыргондœй фылдœр Дзœуджыхъœуœй, Махачкалайœ, Грознайœ, Ростовœй, Хъазанœй, Тюменœй, Владивостокœй, Минскœй.
18 сентябры Абайты Васойы номыл гуманитарон œмœ социалон иртасœнты институты уыд конферен¬цийы фœстаг œмбырд. Уым раныхас кодта нœ республикœйы Хицауады Сœрдары хœдивœг Таболты Сергей. Уый куыд загьта, афтœмœй Абайты Салат зындгонд у нœ республикœйы œдде дœр, у Ленины премийы лауреат. Ахœм адœймœгтœ иугœйттœ сты. Уый кад скодта нœ республикœйœн œнœхъœн Советон Цœдисы. Æмœ мах хъуамœ уымœй сœрыстыр уœм, цасфœнды рœстœг куы рацœуа, уœддœр. Салаты хъуамœ мысœм, зонын œй кœнœм фœсивœдœн.
Конференцийы кœронбœттœны Наукон центры сœрдар, физикон-математикон наукœты доктор Къусраты Анатоли куыд загъта, афтœмай Абайты Салаты хуызœн адœймœгты ферохгœнœн нœй, уымœн œмœ уыдон цардысты œмœ куыстой сœ адœмы хорздзинадœн, хъуыды кодтой дардыл. Ахœм адœймœгты фœрцы нœ бœстœ уыд хъомысджын œмœ ахсджиаг хъуыддаг у, цœмœй сœ царды œмœ куысты фœлтœрддзинад цœуа фœлтœрœй- фœлтœрмœ.
Конференцийы бауынаффœ кодтой, цœмœй Абайты Салаты монографитœ ногœй уагьд œрцœуой, уымœн œмœ уый уыд Уœрœсейы хъуыстгонддœр геологтœй иу.