Наукœйы бœрзœндтœм

2006 азы Мœскуыйы Ломоносовы номыл паддзахадон университеты ректор Виктор Садовничийы хъœппœрисœй бындур œвœрд œрцыд Наукœйы фестивалœн. Фœстœдœр уый сси œппœтуœрœсеон. Дзœуджыхъœуы наукон центр œмœ республикœйы уœлдœр ахуыргœнœндœттœ ацы фестивалы архайын райдыдтой 2012 азы.

Ацы хатт фестивалы мадзœлттœ райдыдтой 9 октябры œмœ цœудзысты 12 октябрмœ. Нœ бœстœйы 70 регионы наукœйы архайœг фœсивœд ерысы бацœудзысты, афœдзы дœргъы цы техникон-инновацион проекттыл куыстой, уыдон œхсœнады рœгъмœ рахœсдзысты.

Фестивалы архайджытœн видеобастдзинады фœрцы зœрдиаг арфœтœ ракодта, Мœскуыйы паддзахадон университеты ректор Виктор Садовничий. Уый загьта:

- Наукœйы бœрзœндтœм схизын œнцон нœу, бирœ къœпхœнтыл фœуœлахиз уœвын хъœуы, фœлœ иудадзыг иртасœн куысты йœхи чи уыны, уыцы фœсивœдœн мœ зœрдœ зœгьы стыр œнтыстдзинœдтœ. Сœ куыстытœ гœххœттыл нœ, фœлœ сын сœ царды рауадзыныл чи бацархайа, ахœм инвестортœй сœ амонд уœд!

Арфœйы ныхас загъта Цœгат Кавказы хœххон - металлургон институты ректоры хœстœ œххœстгœнœг Юрий Разоренов дœр: «Мœ зœрдœ дарын, абон равдыстыты залы цы проекттœ œмœ экспонаттœ федтон, уыдонаен инвестортœ, œнœмœнг кœй фœзындзœн, информацион технологиты фестивалœн та кœрон кœй никуы уыдзœн, фœлœ нын традицион кœй суыдзœн».

Дзœуджыхъœуы наукон центры сœрдар, профессор Къусраты Анатоли бœлвырд хабœрттœ радзырдта, нœ республикœйы наукон куысты лœуд чиу, уыцы фœсивœды œмœ се'нтыстдзинœдты тыххœй.

- Фœнды мœ, цœмœй нœ центры œрыгон фœсивœды нымœц ноджы фылдœр куыд уа. Ацы фестиваль дœр уый тыххœй арœзт у, цœмœй курдиатджын фœсивœд œрбаздахœм наукœмœ œмœ сœ зонындзинœдтœ нœ бœстœйы фарнœн œмœ хорзœн œвдисой, — загъта Къусраты Анатоли.

Фестивалы рœстœг фœсивœд œвдисдзысты сœ проекттœ, уыдзœн сын алыхуызон цымыдисаг фембœлдтытœ.

Автор: Саутœты Тамилœ