Дунеон семинар
Сентябрь 18, 2013
Просмотров: 293
«Рœстдзинад», №168 (23476) 2013 азы 18 сентябрь
Ацы бонты Дзœуджыхъжуы цœуы Æрыгон ахуыргœндты дунеон семинар
Ирыстонмœ ссыдысты зындгонд институттœ œмœ университетты специалисттœ, œрыгон ахуыргœндтœ Цœцœны республикœйœ, Мœскуыйœ, Сомих œмœ œндœр рœттœй. Семинары архайджытœ иртасынц, сейсмикон œгъдауœй кавказаг регионтœ цас œдас сты, стœй уыцы œдасдзинад бœрзонддœр кœнынœн цы арœзт цœуы, уыдœттœ.
Ахœм семинар ныр арœзт цœуы фœндзœм хатт. Йœ организатортœ сты Цœгат Ирыстоны Хицауад, Уœрœсейы Наукœты академи œмœ Бындурон иртœстыты уœрœсейаг фонд. Семинары фœлгœты œрыгон ирыстойнаг ахуыргœндтœ уыдысты Гуырдзыстоны, Сомихы, Португали œмœ œндœр бœстœты, зонгœ кодтой фœсарœйнаг специалистты фœлтœрддзинадимœ.
— Ахœм фембœлдтытœ пайдайаг кœй сты, уый дызœрдыггаг нœу. Æрыгон ахуыргœндтœ кœрœдзиимœ зонгœ кœнынц, œмгуыстад рапарахат кœныныл архайынц. Фидœны дœр сын фылдœр фадœттœ уыдзœн; кœрœдзийы фœлтœрддзинадœй пайда кœнынœн, — зœгъы семи-нары архайджытœй иу — Дзœуджыхъœуы Наукон центры Геофизикон иртœстыты центры директор Владислав Заалишвили.