Диктант ныффыстой
Апрель 15, 2014
Просмотров: 211
«Рœстдзинад», № 66 (23616) 2014 азы 15 апрель
Цœгат Ирыстоны паддзахадон университеты ацыд œппœтуœрœсеон акци «Тотальный диктант».
Хи грамматикон дœсныдзинад бафœлварыны фœнд скодтой пенсиисджытœй скъоладзауты онг œппœт кары 200 адœймаджы бœрц. Ацы аз скъоладзауты нымœц уыд фаронœй бирœ фылдœр. Текст кастысты журналист Къœбысты Каринœ œмœ ЦИПУ-йы уырыссаг œвзаджы кафедрœйы профессор Борис Кунавин.
— Ацы аз эксперттœ текстыл бакуыстой фаро- нœй бœлвырд биноныгдœр. Фарон диктантœн бацœттœ кодтой аивадон уацмыс, ацы хатт та диктантœн уыд сœрмагонд текст, — зœгъы эксперт-филолог Газайты Тамарœ.
Диктанты тексты автор уыд пермаг фыссœг Алексей Иванов.
Рœхджы эксперттœ-филологтœ, стœй ЦИПУ-йы уырыссаг филологийы факультеты аспиранттœ, магистранттœ œмœ студенттœ текст рабœрœг кœн дзысты. Фœстœдœр бœрœггœнœнтœ фœзындзысты акцийы сайттœ Totaldict.ru -йы œмœ vcnmo.ru-йы.
Акцийы организатортœ уыдысты: Математикон ахуырады дзœуджыхъœуккаг центр, РЦИ-Апанийы Парламенты наукœйы, культурœйы, ахуырад œмœ информацион политикœйы комитет, Дзœуджыхъœуы Наукон центр, ЦИПУ œмœ Дзœуджыхъœуы администраци.
Акцийœн информацион œххуыс бакодтой: телерадиокомпанитœ «Мир» œмœ «Алани», газеттœ «Рœстдзинад», «Северная Осетия», «Владикавказ» œмœ дзыллон информацийы œндœр фœрœзтœ.