Зонадон фӕллойы бӕркад
Февраль 10, 2020
Просмотров: 367
8 февралы нӕ бӕстӕйы наукон ӕхсӕнад бӕрӕг кодта йӕ профессион бӕрӕгбон - Уӕрӕсейы наукӕйы бон. Уый фӕдыл 7 февралӕй 2 мартъимӕ Уӕрӕсейы наукӕты академийы Дзӕуджыхъӕуккаг наукон центры хъӕппӕрисӕй арӕзт цӕудзысты конференцитӕ, семинартӕ ӕмӕ ӕндӕр ӕмбырдтӕ.
Бӕрӕгбоны агъоммӕ Цӕгат Ирыстоны Абайты Васойы номыл социалон ӕмӕ гуманитарон иртасӕнты институты Наукӕйы боны кадӕн ацыд Дзӕуджыхъӕуы наукон центры ахуыргӕндты иугонд советы ӕмбырд. Йӕ архайджытӕ ныхас кодтой ивгъуыд азы бӕрӕггӕнӕнтыл ӕмӕ ног азы куысты фарстытыл. Сӕйрагдӕр уыдис наукон разамонӕг, профессор Къусраты Анатолийы афӕдзы куыстӕн дзуаппон доклад. Ахуыргонд куыд радзырдта, афтӕмӕй 2019 азы наукон кусджыты къухы бирӕ ӕнтыстдзинӕдтӕ бафтыд, уӕрӕхӕй-уӕрӕхдӕр кӕны наукон центры архайд.
- 21-ӕм хатт бӕрӕг кӕны Уӕрӕсейы наукон ӕхсӕнад йӕ профессион бӕрӕгбон. Зӕгъын мӕ фӕнды уый, ӕмӕ махӕн дӕр нӕ куысты бӕрӕггӕнӕнтӕ бӕлвырд сты Уӕрӕсейы наукӕты академийы «хыгъды». Сбӕрӕг кодтам нӕ республикӕйы Абайты Васойы номыл социалон ӕмӕ гуманитарон иртасӕнты институты 100 азы ӕмӕ Дзӕуджыхъӕуккаг наукон центры 25 азы юбилейтӕ. Сарӕзтам дыууӕ иртасӕн лабораторийы национ проект «Зонад»-ы бындурыл. Лабораторитӕ сты сӕрмагондӕй ӕрыгон ахуыргӕндтӕн, нырыккондӕр уавӕртимӕ. Иртасӕн куыстытӕ иууылдӕр фӕстӕдӕр мыхуырӕй рацыдысты хицӕн монографитӕ ӕмӕ наукон статьятӕй. Уыдон уыдысты ӕрыгон ахуыргӕндты ӕппӕты хуыздӕр наукон проекттӕ. Докторон диссертацитӕ бахъахъхъӕдтой 2 адӕймаджы, кандидаты диссертацитӕ дӕр - 2 адӕймаджы. Афӕдзы дӕргъы сарӕзтам наукон семинартӕ ӕмӕ конференцитӕ. Кӕй зӕгъын ӕй хъӕуы, сӕ нымӕц, иннӕ азтимӕ абаргӕйӕ, уыдис къаддӕр, фӕлӕ сӕ мидис рауад ахъаззаг. 102 наукон кусӕгӕн лӕвӕрд ӕрцыд кадджын нӕмттӕ, дипломтӕ ӕмӕ грамотатӕ. Уыдонӕй иу - майдан «Ирыстоны Намысӕн»-ӕй хорзӕхгонд ӕрцыд институты директор Хъаныхъуаты Зӕлинӕ. Ацы азӕн нӕ куысты хӕстӕ сты ноджы уӕрӕхдӕр, ӕмӕ сыл архайдзыстӕм бӕрнонӕй, - загъта Къусраты Анатоли.
Ӕмбырды РЦИ-Аланийы Парламенты наукӕ, ахуырад ӕмӕ информацион политикӕйы комитеты сӕрдар Еленӕ Князева Уӕрӕсейы Наукӕты академийы президиумы сӕрдар Александр Сергеевы номӕй Кады гӕххӕттытӕй схорзӕхджын кодта Цыбырты Людвиджы, Дзӕуджыхъӕуы наукон центры ӕмӕ Абайты Васойы номыл социалон ӕмӕ гуманитарон иртасӕнты институты коллективтӕ.
Саутӕты Тамилӕ
Материал опубликован в газете "Растдзинад" №22 от 08.02.2020г.
Бӕрӕгбоны агъоммӕ Цӕгат Ирыстоны Абайты Васойы номыл социалон ӕмӕ гуманитарон иртасӕнты институты Наукӕйы боны кадӕн ацыд Дзӕуджыхъӕуы наукон центры ахуыргӕндты иугонд советы ӕмбырд. Йӕ архайджытӕ ныхас кодтой ивгъуыд азы бӕрӕггӕнӕнтыл ӕмӕ ног азы куысты фарстытыл. Сӕйрагдӕр уыдис наукон разамонӕг, профессор Къусраты Анатолийы афӕдзы куыстӕн дзуаппон доклад. Ахуыргонд куыд радзырдта, афтӕмӕй 2019 азы наукон кусджыты къухы бирӕ ӕнтыстдзинӕдтӕ бафтыд, уӕрӕхӕй-уӕрӕхдӕр кӕны наукон центры архайд.
- 21-ӕм хатт бӕрӕг кӕны Уӕрӕсейы наукон ӕхсӕнад йӕ профессион бӕрӕгбон. Зӕгъын мӕ фӕнды уый, ӕмӕ махӕн дӕр нӕ куысты бӕрӕггӕнӕнтӕ бӕлвырд сты Уӕрӕсейы наукӕты академийы «хыгъды». Сбӕрӕг кодтам нӕ республикӕйы Абайты Васойы номыл социалон ӕмӕ гуманитарон иртасӕнты институты 100 азы ӕмӕ Дзӕуджыхъӕуккаг наукон центры 25 азы юбилейтӕ. Сарӕзтам дыууӕ иртасӕн лабораторийы национ проект «Зонад»-ы бындурыл. Лабораторитӕ сты сӕрмагондӕй ӕрыгон ахуыргӕндтӕн, нырыккондӕр уавӕртимӕ. Иртасӕн куыстытӕ иууылдӕр фӕстӕдӕр мыхуырӕй рацыдысты хицӕн монографитӕ ӕмӕ наукон статьятӕй. Уыдон уыдысты ӕрыгон ахуыргӕндты ӕппӕты хуыздӕр наукон проекттӕ. Докторон диссертацитӕ бахъахъхъӕдтой 2 адӕймаджы, кандидаты диссертацитӕ дӕр - 2 адӕймаджы. Афӕдзы дӕргъы сарӕзтам наукон семинартӕ ӕмӕ конференцитӕ. Кӕй зӕгъын ӕй хъӕуы, сӕ нымӕц, иннӕ азтимӕ абаргӕйӕ, уыдис къаддӕр, фӕлӕ сӕ мидис рауад ахъаззаг. 102 наукон кусӕгӕн лӕвӕрд ӕрцыд кадджын нӕмттӕ, дипломтӕ ӕмӕ грамотатӕ. Уыдонӕй иу - майдан «Ирыстоны Намысӕн»-ӕй хорзӕхгонд ӕрцыд институты директор Хъаныхъуаты Зӕлинӕ. Ацы азӕн нӕ куысты хӕстӕ сты ноджы уӕрӕхдӕр, ӕмӕ сыл архайдзыстӕм бӕрнонӕй, - загъта Къусраты Анатоли.
Ӕмбырды РЦИ-Аланийы Парламенты наукӕ, ахуырад ӕмӕ информацион политикӕйы комитеты сӕрдар Еленӕ Князева Уӕрӕсейы Наукӕты академийы президиумы сӕрдар Александр Сергеевы номӕй Кады гӕххӕттытӕй схорзӕхджын кодта Цыбырты Людвиджы, Дзӕуджыхъӕуы наукон центры ӕмӕ Абайты Васойы номыл социалон ӕмӕ гуманитарон иртасӕнты институты коллективтӕ.
Саутӕты Тамилӕ
Материал опубликован в газете "Растдзинад" №22 от 08.02.2020г.